Presidenti i Partisë së Lirisë Ilir Meta, është arrestuar pak më parë.
Lajmin për ngjarjen, kreu i Partisë Demokratike e mori ndërkohë që ishte në një deklaratë për shtyp live.
Ai u shpreh se kjo që ka ndodhur është persekutim politik ndaj kreut të PL, ndërsa shtoi se arrestimi i tij ka ardhur me urdhër të kreut të qeverisë, Edi Rama.
“Çdo gjë ndaj tij është politike.
Persekutimi politik i Ilir Metës është politik, politik dhe vetëm politik.
Nuk kanë publikuar asnjë fakt, asnjë dokument, por kanë zbatuar urdhrat e Edi Ramës, i cili është përpjekur me të gjitha mënyrat për eliminimin politik, e ndoshta edhe fizik të Ilir Metës.
Edi Rama është, siç denoncova edhe në herët e kaluara, i implikuar në zhdukje të personave në mënyrë ekstraligjore, antikushtetuese.
Iu kam informuar unë këtu ju, se Dumani fle mbi një dosje në të cilën bisedohet për eliminimin e një politikani të afërt me Edi Ramën.
E kuptoni se a do mund të guxonin bandat shtetërore të eliminonin një politikan të afërt me Edi Ramën, pa porosinë e Edi Ramës?
Pra, Edi Rama është një me krimin.”, tha ai.
