Më kot i varim shpresat tek kafeja e mëngjesit, duke besuar se ajo do të “na zgjojë” dhe do të rrisë funksionalitetin tonë pas një nate të gjatë. “Për fat të keq, kafeina nuk do të parandalojë as rreziqet potencialisht të rëndësishme të pagjumësisë,” shtuan studiuesit.
Mbi të gjitha, a është e vërtetë që pa kafe syri nuk hapet? Përgjigjja ka të ngjarë të jetë zhgënjyese pasi, sipas studiuesve nga Universiteti i Miçiganit, Laboratori i Gjumit dhe Mësimit, kafeja mund të na mbajë zgjuar por jo ekzaktësisht zgjuar dhe të bëjë pak për të rikthyer funksionin tonë njohës pas një nate privimi të gjumit.
Studimi, i udhëhequr nga Asistent Profesori i Universitetit Kimberly Fenn, përfshiu më shumë se 275 pjesëmarrës të cilëve u kërkohej të kryenin një detyrë të thjeshtë përqendrimi dhe një provë më kërkuese, në të cilën detyrat specifike duhej të kryheshin në një rend të përcaktuar pa përsëritur ose hequr hapin.
“Kafeina mund të na ndihmojë të qëndrojmë zgjuar dhe të bëjmë disa punë, por nuk parandalon neglizhencën procedurale që mund të çojë në gabime mjekësore ose aksidente automobilistike”, shpjegoi Dr. Fenn.
Gjumi vazhdimisht i pamjaftueshëm është armiku i funksionit njohës, humorit të mirë dhe sistemit imunitar.
“Kafeina rrit energjinë, zvogëlon përgjumjen dhe mund të përmirësojë gjendjen shpirtërore, por pa asnjë arsye nuk mund të zëvendësojë gjumin e duhur. Përkundër iluzionit të kontrollit mbi detyrat e kërkuara për shkak të konsumit të kafeinës, në praktikë përpunimi i tyre do të bëhet me pengesa, gjë që shpjegon pse privimi i gjumit mund të rezultojë i rrezikshëm. Nëse do të konstatonim se kafeina në të vërtetë zvogëlon shanset e gabimeve procedurale për shkak të pagjumësisë, do të flisnim për një zbulim me pasoja të konsiderueshme pozitive për profesionistët të cilët thirren të kryejnë detyra “të imta” dhe me precizion të lartë, të tilla si kirurgët, pilotët ose oficerët”
