Aksidenti i ndodhur pak më parë tek Unaza e Madhe pranë Kopshtit Zoologjik në kryeqytet rezulton me bilanc tragjik.
Policia ka dalë me një njoftim paraprak mbi aksidentin e ndodhur pak momente më parë pranë Liqenit Artificial në Tiranë. Njoftimi i policisë bën me dije se dy mjete u përplasën në rrugë.
Si pasojë shtetasi A.Sh (student në Akademinë e Sigurisë) humbi jetën nga përplasja me mjetin e shtetasit Y.R.
Grupi hetimor është në vendngjarje dhe po sqaron rrethanat e aksidentit.
Njoftimi i Policisë:
Tiranë/Informacion paraprak
Më datë 08.11.2023, në afërsi të liqenit artificial, automjeti me drejtues shtetasin A. Sh. dyshohet se është përplasur me automjetin me drejtues shtetasin Y. R.
Si pasojë e aksidentit, ka humbur jetën në vendngjarje, shtetasi A. Sh. (student në Akademinë e Sigurisë).
Grupi hetimor ndodhet në vendngjarje dhe po punon për sqarimin e rrethanave të aksidentit.
