Këngëtarja e njohur, Alberije Hadergjonaj është treguar gjithmonë shumë e sinqertë në rrëfimet e saj dhe kjo e ka bërë shumë të dashur për publikun.
Së fundmi, ajo ka folur hapur për operacionin plastik që ka kryer në hundë, por e penduar.
“Duhet me marrë pak kockë në brinjë. Është shumë e vështirë, por do doja të kem hundën që kam pas. Është një proces shumë i gjatë se unë kam folur me doktor”, ka thënë Hadërgjonaj për mediat në Kosovë.
Po ashtu ajo dha edhe një mesazh për vajzat e reja.
“Unë kam qenë shumë e re kur e kam prek hundën edhe jam bërë shumë pishman. Do doja ta kisha siç e kam pas. Është gjë tjetër të trajtohesh pak, të dukesh më mirë. Të kesh lëkurë të pastër të lëmuar është krejt normale, por këto prekjet estetike është shumë e frikshme me thënë të drejtën. Nuk është Zot doktori, sado të mundohet rrugës, mund të ndodhi diçka e keqe”, tha ajo./vizionplus.tv
![](https://egnatianews.com/wp-content/uploads/2022/07/WhatsApp-Image-2022-07-21-at-7.14.33-PM.jpeg)