Kreu i Grupit Parlamentar të Partisë Demokratike, Enkelejd Alibeaj thotë se maxhoranca nxiton për emrat e kandidatëve për president, duke mos i kushtuar vëmendje procesit.
Alibeaj tha në përfundim të mbledhjes së Konferencës së Kryetarëve se procesi duhet të jetë transparent dhe legjitim.
Lidhur me propozimin e Taulant Ballës për dialog për zgjedhjen e presidentit të ri, pasditen e sotme, Alibeaj nuk tha nëse do të ishte i pranishëm. Ai tha se kërkoi nga Balla që debati të zhvillohet para kamerave në mbledhjen e Konferencës së Kryetarëve.
“Jo më kot e ka me shumicë të cilësuar, kërkon pjesëmarrjen substanciale të opozitës, ndaj dhe po marrim pjesë. Kemi kaq kohë që presim dhe askush s’po kthen përgjigje, ka një garë për emrat. Për ne është i rëndësishëm procesi, të jetë transparent, të ketë legjitimitet në të ardhmen. Kjo është sfida, Presidenti i Republikës duhet të zgjidhet për vlerat që ka, jo se biem ne dakord. Unë isha i gatshëm që tani, ta diskutojmë, dakord ikëm. Kishte më mirë se sa aty? Konferenca e Kryetarëve, ju ishit aty, publiku po e ndjek. E kuptojmë qëllimin e maxhorancës për të shtyrë ditët. E kemi bërë të qartë më përpara, e bëjmë dhe tani, ka sens të zgjidhet brenda tre raundeve të parë. Para se të shkojmë te emrat, duhet të vendosen disa kritere. Isha i gatshëm, unë nuk merrem me lojëra. Jo në dhoma të errëta, në sytë e shqiptarëve”, u shpreh Balla.
