Analisti Kim Mehmeti ka reaguar tepër i revoltuar ndaj Policisë Maqedonase e cila ka hequr ditën e sotme mbishkrimet “E duam Çamërinë” që ishin vendosur në shtëpitë e shqiptarëve në Shkup.
Në një reagim në Facebook, Kim Mehmeti thotë se nuk ka asnjë dyshim se po të mundej policia maqedonase do të fshinte nga kujtesa e shqiptarëve tragjedinë çame.
Ai më tej nuk lë pa kryqëzuar dhe disa shqiptare për të cilët shprehet se “problemi jonë janë edhe disa ‘shkije’ tanë që ndërrojnë ngjyrën nga e kuqja në të gjelbër, si të ishin kameleonë, por të cilët assesi nuk e kuptojnë se kolltukët e tyre janë veshur me përbuzjen dhe urrejtjen nda shqiptarisë.”
Së fundmi, Kim Mehmeti bën thirrje që të mbushet çdo shesh dhe çdo shtëpi në shkup me mbishkrimin “E dua dhe kurrë nuk e harrojë Çamërinë” dhe të shohim pastaj se çfarë do të bëjë policia maqedonase.
Reagimi i plotë:
Jo vetëm sheshet, por çdo shtëpi shqiptare në Shkup, duhet stolisur me mbishkrimin ‘E dua Çamërinë!’
Policia maqedonase, pa asnjë sqarim, sot i paska hequr mbishkrimet ‘E duam Çamërinë”. E mediat maqedonase qenkan alarmuar nga ‘irredentizmi’ shqiptar, i shprehur nëpërmjet dashurisë ndaj një pjese të vetvetes!
Nuk ka dyshim se, sikur të mundej, policia maqedonase do e shlyente nga kujtesa jonë jo vetëm kujtesën për tragjedinë çame, por edhe mbëmendjen për vetveten. Pra do na e ndalonte ta duam gjithë shqiptarinë dhe do na çonte të mburreshim me himnin shtetëror që rrëfen për ‘maqedonasit e kudondodhur, që janë zgjuar dhe luftojnë për të drejtat e tyre”?!
Por sidoqoftë, ne shqiptarët e Maqedonisë duhet ta kuptojmë se nuk kemi gjithaq problem me antishqiptarinë institucionale, e cila donë të na bind se për ne çdo gjë duhet të përfundojë te trau ndërkufitarë në Qafë të Thanës dhe në Bllacë, por problemi jonë janë edhe disa ‘shkije’ tanë që ndërrojnë ngjyrën nga e kuqja në të gjelbër, si të ishin kameleonë, por të cilët assesi nuk e kuptojnë se kolltukët e tyre janë veshur me përbuzjen dhe urrejtjen nda shqiptarisë.
Andaj tani jo vetëm sheshet, por edhe shtëpia e çdo shqiptari shkupjanë, duhet të stoliset me mbishkrimin ‘E dua dhe kurrë nuk e harrojë Çamërinë”! Dhe të shohim a do vijë policia maqedonase t’i gëlqeros edhe muret e shtëpive tona!
fax web
