Poicia e Durrësit ka vënë në pranga një shtetas kosovar që tentoi të kalonte kufirin me vizë të falsifikuar holandeze. Ai është shtetasi me inicialet B.A., 49 vjeç.
Një tjetër qytetar u arrestua në qytetin bregdetar. Bëhet fjalë për një shtetas me inicialet Sh.S., 34 vjeç, i cili ka aksidentuar një 68 vjeçare, e cila ndodhet në spitalin e Traumës në Tiranë nën kujdesin e mjekëve.
Njoftimi i Policisë:
Durrës
Vijon puna për goditjen e paligjshmërisë.
Vihen në pranga dy shtetas për vepra të ndryshme penale.
Specialistët për Hetimin e Krimit Ekonomik dhe Financiar në DVP Durrës kanë arrestuar në flagrancë shtetasin B.A., 49 vjeç, banues në Kosovë, pasi në P.K.K.Port – Durrës u kap duke kaluar kufirin me vizë hollandeze e dyshuar e falsifikuar.
Gjithashtu është arrestuar në flagrancë shtetasi Sh.S., 34 vjeç, banues në Durrës, pasi në lagjen Nr.14, duke drejtuar mjetin tip “Benz”, ka aksidentuar shtetasen këmbësore E.M., 68 vjeçe, banuese në Arapaj, e cila ndodhet në Spitalin e Traumës Tiranë nën kujdesin e mjekëve.
Materialet i kaluan Prokurorisë së Rrethit Gjyqësor Durrës për veprime të mëtejshme.
