Një automjet është përfshirë nga flakët në by-passin e Murrizit pjesë e rrugës së Arbrit.
Ngjarja është regjistruar mëngjesin e kësaj të diele në pjesën e rrugës në fshatin Xibër-Murrize.
Automjeti tip “Audi” ka marrë flakë në malore duke u shkrumbuar totalisht. Burime nga vendi ngjarjes thanë se brenda mjetit nuk ka patur asnjë person pasi fatmirësisht kanë arritur të dalin.
Ndërkohë, në vendngjarje nuk ka mbërritur ende as policia.
