Ish-kryeministri Sali Berisha do të paraqitet ditën e hënë në SPAK, pas vendimit të Apelit të GJKKO që vendosi ndaj tij masën ‘detyrim paraqitje’.
PD do të organizojë protestë ditën e hënë para SPAK, në mbështetje të ish-kryeministrit Berisha.
PD u ka dërguar strukturave të PD një njoftim përmes mesazheve në cellular, ku i kërkohet pjesëmarrja në protestë.
“Të dashur miq. Ditën e Hënë, në orën 9:30, të mobilizojmë të gjithë strukturat e degëve për të protestuar përpara SKAP- it, si vegël në duart e Ramës për të përndjekur kundërshtarët politik. Do jemi aty në mbështetje të të drejtës, të ligjit dhe të vërtetës, që është në anën e kryetarit të PD, Prof. Dr. Sali Berisha. Në orën 9:30 përpara selisë së SKAP-it. Faleminderit!”, thuhet në njoftimin e PD drejtuar strukturave.
