Kreu i PD, Sali Berisha është paraqitur në SPAK këtë të hënë për të zbatuar masën ‘detyrim paraqitje’.
Ai është pritur nga qytetarë që e mbështesin jashtë godinës.
Pasi doli nga ambientet e Prokurorisë së Posaçme Antikorrupsion, ai sërish hodhi akuza ndaj kreut të SPAK, Altin Dumani.
Sot mbahet edhe gjyqi për çështjen “Partizani”, pasi u shty disa javë më parë.
Ai u pyet nga gazetarët nëse do të marrë pjesë në seancë.
“Jam i gatshëm të paraqitem në bazë të këshillave të avokatëve. Nuk kam kundërshti për gjykatës konkretë”, tha ai.
