Këngëtari i njohur Blero Muharremi njëkohësisht ish-banor i “Big Brother VIP Kosova 2”, ka reaguar orët e fundit në lidhje me lojën e Gjestit në “Big Brother VIP Albania 4”, teksa ka shprehur haptas mbështetjen e tij.
Teksa po afrohet finalja e madhe, tashmë janë zgjedhur 2 finalistët e parë, Rozana dhe Laerti, ndërsa Gjesti si një ndër banorët me më shumë popullaritet nuk e ka siguruar ende një vend në finale.
Lidhur me këtë, Blero ka reaguar përmes një InstaStory, duke shkaktuar edhe reagime të shumta nga ndjekësit. Ai ka publikuar një foto të Gjestit, teksa ka paralajmëruar se nëse ai nuk fiton, atëherë ai ka diçka për t’i thënë publikut, duke lënë të nënkuptohet se fitorja e tij është çështje e drejtësisë.
“Nëse ky nuk fiton, kam diçka për t’ju thënë të gjithëve. Pritni.”- ka shkruar Blero në Instagram
