Një rast shumë i rëndë është ai që ka ndodhur në Alanya të Antalias, ku një 30-vjeçare, e quajtur Gamze Yaglioglu është hedhur nga kati i gjashtë i banesës nga bashkëshorti i saj, Alper Yaglioglu.
Avokati i familjes së viktimës pretendoi në gjykatë se autori, pasi kreu aktin e rëndë, mori celularin e tij, u ul diku në banesë dhe nisi të shikonte rrjetet sociale, ndërsa trupi i pajetë i të shoqes dergjej në mes të rrugës e vdekur.
Megjithatë, në gjykatë, autori tha se nuk e ka vrarë ai gruan e tij dhe se e ka dashur shumë e se nuk është vrasës,
Pas marrjes së raportit të Institutit të Mjekësisë Ligjore, rezultoi se ADN-ja e bashkëshortit të viktimës, u gjet në 2 mostra të marra nga thonjtë e dorës së majtë të Gamze Yağıoğlu.
Kur u ekzaminuan pamjet e kamerave të sigurisë të vendit ku banojnë, u pa se Gamze Yağıoğlu ra në orën 20.52 dhe burri i saj Alper Yağıoğlu u largua nga vendi i ngjarjes rreth 1 minutë më vonë.
Alper Yaglioglu, i cili u ndalua me akuzën e “vrasjes me dashje” është në pritje të vendimit përfundimtar nga gjykata, e cila e ka lënë në paraburgim, me qëllim mbledhjen e sa më shumë provave.
