“Kur u bënë negociatat e qeverisë shqiptare me TAP, isha drejtues i EGL-së për tregjet e Europës lindore, isha drejtues për të lobuar për TAP-in por jo brënda grupit negociator të TAP-it. Nuk isha në grupin negociator të TAP-it kur u bënë negociatat me Shqipërinë. Nga ana shqiptare në negociatat që u bënë ishin LSI me përfaqësues ministrin Dritan Prifti ndjesë pastë, por ishte totalisht i papërgatitur.
Në vendin tim që isha shefi i marrëdhënieve me jashtë në TAP u vu një maqedonas që quhej Tom Dimitrov dhe ai erdhi si një yll i madh i cili negocioi me Shqipërinë dhe ai arriti një nga sukseset më të mëdha që Shqipëria të mos kishte as tranzit dhe të mos kishte asnjë degë që ta çonte gazin në Vlorë, aq sa jam detyruar ti them shefit norvegjez që as Musolini nuk do ta bënte këtë që po bëni ju, sepse edhe Musolini do t’i kishte dhënë Shqipërisë gaz në Vlorë, por ju i thashë po tregoheni më të këqinj se Musolini me Shqipërinë. Në Shqipëri kalon TAP dhe ne nuk përfitojmë gaz prej tij për shkak të marrëveshjes që kemi firmosur. Në atë kohë i kam thënë Dritan Priftit të lutem mos kërko para për këtë projekt pasi ai e kishte namin e keq.
Naskë Afezolli dhe Bardhyl Reso folën në emision edhe për rinegocimin e kësaj marrëveshje nga ana e ministrit socialist Gjiknuri. Por edhe pas këtij rinegocimi Shqipëria nuk përfitoi asgjë. Shqipëria vijon të mos përfitojë nga tranziti FE dhe të ketë një TEC në Vlorë i cili nuk ka asnjë mundësi përdorimi për shkak të mungesës së gazit. Pra TAP në Shqipëri është anës lumit i palarë”, shprehet ne intervistën ekskluzive për Dritare TV, ideatori dhe një nga realizuesit e TAP, Naska Afezolli./Dritare.net
