Gazeta El Mundo Deportivo me bazë në Barcelonë tronditi Spanjën me një lajm bombë, në të cilën shkruante se Reali i Madridit nuk do të jetë më pjesë e kampionatin spanjoll, duke tentuar që të luajë në ndonjë kampionat tjetër të Europës.
Media spanjollje në artikullin e saj pretendonte se Florentino Perez ka peshuar mundësinë për të kaluar në një ligë tjetër evropiane për shkak të përplasjeve të tij të vazhdueshme me presidentin e La Liga, Javier Tebas.
“Dhe në këtë skenar, konkurrenca e preferuar për Florentino Pérez dhe bashkëpunëtorët e tij më të rëndësishëm është Premier League angleze, megjithëse ata gjithashtu kanë përpiluar informacion mbi opsionet e bashkimit me Serie A italiane ose Bundesligën gjermane”, thuhet në këtë artikull.
Pikërisht ky lajm sensacional ka bërë që klubi i Realit të Madridit të dalë menjëherë me anë të deklarate duke rrëzuar artikullin në fjalë si të pavërtetë.
Real Madrid ka publikuar një deklaratë duke mohuar se ata duan të largohen nga LaLiga Santander dhe të luajnë në Premier League.
“Duke pasur parasysh informacionin e botuar sot nga gazeta Mundo Deportivo, në të cilën thuhet se klubi ynë studioi mundësinë e kalimit nga LaLiga në Premier League, Real Madrid dëshiron të pohojë se ky informacion është plotësisht i rremë, absurd dhe i pamundur dhe ai vetëm synon për të shqetësuar, edhe një herë, drejtimin e përditshëm të klubit tonë, “thuhet në deklaratën e Real Madridit.
Reagimi i Tebas
Tebas gjithashtu mori përsipër të mohonte lajmin e Mundo Deportivo gjënë e parë të Shtunën në mëngjes.
“Marsiani” (siç njihet në botën e futbollit) është mysafiri i ri në fushën e futbollit që mbyllet në orën 5 të mëngjesit, dhe ndërsa sapo ka mbërritur ai beson gjithçka që thonë në atë kohë, dhe mbi të gjitha, ai e tregon!, tha Tebas. “Sa shumë marrëzi po ndodhin këto ditë”, shtoi shefi i Federatës.
