Nga : Erjon Murataj
Mendoj se ka shumë arsye që njerëzit të ndjekin modele të ndryshme nga estabilishmenti.
Korrupsioni , skamja , pushteti që funksionon me lavire apo laviersa të kapterreve politik të Ramës, Berishës, Metës apo Bashës .
Politika që lëviz në batak për të mbajtur fort shtrënguar shkelmin në fytin e qytetarëve .
Përbaltja që i bëhet përkatësisë krahinore me titullin mafioz etj .
Shfrytëzimi i besimit për një qese makarona a oriz nga skamja e uria apo shitja nderit dhe vjedhja vetëm që ti bësh fresk listës së partisë .
Të gjitha këto i gjen në Elbasan .
Zhburrërimi që i është bërë masës duke i varfëruar e ç’vatur çdo ditë .
Shkatërrimi i biznesit kur nuk i shërben partisë .
Bandat imagjinare që ca ordiner politik të 32 viteve i faturojnë Elbasanit .
Shpopullimi dhe asimilimi i kulturës dhe arsimit
Mjaftojnë që ti bëjnë ata që neveriten nga kjo jetë për të ndjekur një rrugë më të dhimbshme por gjithsesi me dinjitoze e shpresëdhënëse !
Nuk ka arsye pse të zgjidhet më , e keqja më e vogel kur njerëzit duan të kenë dinjitet e moral në jetën e tyre .
Non grata-t e SHBA apo të paburrat që përdorin prostitutat e tyre nuk frikësojnë më askënd .
Duhet një, vetëm një model për të vrarë frikën tek ata që kanë ngelur burra .
Siç duhet një dhe vetëm një ordiner për të shuar epshet e “burave” që shesin çdo gjë dhe besimin për të pasur një buzëqeshje nga kapterri i orgjisë 32 vjeçare .
Mirëpo si stinët ndërrojnë dhe këtë panoramë shtatori do tu sjellë vjeshtën e bashkë me të rënien e lavireve nga degët e kalbura për ti vrarë përfundimisht politikisht me acarin e dimrit ku vetëm Elbasani di të shpëtojë me zjarrin që mban gjallë brënda kulturës dhe dijes, njëlloj si ai i metalurgjikut, kancerin e të cilit e ka mbajtur për gjithë Shqiperinë prej dekadash me rradhë .
Shtatori do të jetë prova, jo për kastën po për qytetarët .
Shtatori duhet të kthehet në provën e nderit ku nëse duhet që Elbasani të meritojë emrin mafioz, ateherë të paktën luftën ta bëjë me krye mafiozët e politikës 32 vjeçare .
Nëse do duhet të dal në ekrane mos jetë me plaçkë në gojën e lavireve politike që i kanë çnderuar emrin .
Elbasani duhet të jetë modeli dhe qëndra e rezistencës siç i ka hije , në nder të atyre që punuan, sakrifikuan dhe ranë për të qënë të lirë dhe jo të burgosur si mafiozë të politikës lavire !
Kjo nuk është më çështje e vjedhjes së Shqipërisë dhe shqiptarëve .
Nuk është më as çështje e goditjes së themelit të shoqërisë .
Kjo është një luftë !
Luftë në të cilën rezistenca lind nga mendimi , dhe Elbasanit i takon të jetë shkëndija !
