Tahir Abazi, një 34-vjeçar shqiptar, është dënuar me një vit burg me kusht për katër vite pasi u kap me kokainë në makinën e tij në Maltë. Ai gjithashtu u kap duke drejtuar mjetin pa patentë dhe sigurim. Verifikimi në sistemet policore zbuloi se ai kërkohej me urdhër arresti europian.
Shqiptari, i cili nuk ka adresë fikse, u akuzua për posedim droge gjatë një bllokimi rrugor në bypass-in Mrieħel. Ai akuzohej edhe për deklarim të rremë dhe dhënie të informacioneve të rreme në Polici.
Gjykata dëgjoi se Abazi ishte ndaluar në Triq is-Sebħ, dhe kur policia e ndaloi dhe i kërkoi dokumentet, ai nuk i dha asnjë. Ai i tha policisë se punonte në një restorant në Maltë dhe nuk e përditësoi lejen për të qenë në gjendje të punonte. Ai nuk u ka dhënë as pasaportën dhe për këtë arsye është arrestuar.
Kur policia filloi kontrollin e makinës, gjeti një qese me pluhur të bardhë. Nga hetimet rezultoi se Abazi ka një urdhër arresti evropian ndaj tij në lidhje me një rast të abuzimit me fëmijët. Abazi ka thënë në Polici se i janë vjedhur të gjitha dokumentet dhe nuk ka bërë kallëzim.
Në gjykatë, shqiptari pranoi akuzat. Në dritën e kësaj, Gjykata, Magjistrati Jean Paul Grech, kryesues, e shpalli atë fajtor dhe e dënoi me një vit burg të pezulluar për katër vjet dhe një gjobë prej 150 €. Ai u skualifikua nga posedimi i licencës për një vit dhe gjykata urdhëroi asgjësimin e kokainës.
