Gjykata e Posaçme ka lënë në burg Bujar Shega edhe pse ky i fundit ka deklaruar se nuk ka lidhje me akuzat.
Bujar Shega njihet ndryshe si “truri financiar” i bandës së Suel Çelës. Ai u ekstradua ditën e djeshme nga Italia. Ai akuzohet nga GJKKO për trafik drogë dhe pastrim parash në kudër të grupit të strukturuar kriminal.
Ndaj 52-vjeçarit është caktuar masa e sigurisë ‘arrest në burg’, për veprat penale “Trafikimi i lëndëve narkotike” dhe “Pastrimi i produkteve të veprës penale ose veprimtarisë kriminale”, kryer në kuadër të grupit të strukturuar kriminal.
Marsel alias Bujar Shega ishte shpallur në kërkim ndërkombëtar nga SPAK në kuadër të operacionit, ku u godit banda e Suel Çelës, teksa akuzohet për trafikim të lëndëve narkotike dhe pastrim të parave, kryer në kuadër të grupit të strukturuar kriminal.
Biznesmeni akuzohet se pastronte paratë e bandës së Suel Çelës, të përfituara nga krimi, teksa nga bisedat e zbërthyera në aplikacionin “Sky Ecc” rezultonte si i përfshirë në trafikun e kokainës nga vendet e Amerikës Latine drejt Europës.
