Fëmija nëntëvjeçar që humbi jetën të dielën në mëngjes në Greqi ishte nga fshati Mollas i Elbasanit. Mediat në Greqi raportojnë se pas autopsisë ka rezultuar që 9-vjeçari e ka humbur jetën si shkak i një shoku elektrik.
Ndërkohë, në Mollas po bëhen përgatitjet pasi më t’u përfunduar ekzaminimi, trupi i vogëlushit do të niset për në Shqipëri ku edhe do të prehet.
Varrimi pritet që të bëhet pasditen e së martës. Ngjarja e rëndë ndodhi në Zakynthos. 9-vjeçari ishte duke luajtur me shokët e tij, në momentin që u fsheh pas një kondicioneri ku edhe ra në kontakt me rrymën elektrike.
Kondicioneri ishte i një hoteli afër lagjes ku jetonte fëmija, ndërsa pronari dhe elektricisti u vunë në pranga. s.b/abcnews.al/
