Një shtetas gjerman është gjetur mëngjesin e sotëm pa shenja jete në dhomën e një hoteli në Gjirokastër.
Viktima është identifikuar si 72-vjeçari me iniciale H. S., ndërsa nga këqyrja paraprake, në trupin e tij nuk janë konstatuar shenja dhune.
Dyshohet se shtetasi gjerman të ketë ndërruar jetë për shkaqe natyrale.
Njoftimi i Policisë Gjirokastër:
Në orët e para të mëngjesit të datës 06.09.2025, është gjetur në dhomën e një hoteli, pa shenja jete dhe pa shenja dhune, shtetasi gjerman H. S., 72 vjeç. Nga veprimet e para hetimore, dyshohet se ky shtetas ka humbur jetën për shkaqe natyrale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për vlerësim.
