Thomas Müller është një nga shtyllat e Bayern Munich për 14 vjet. Sulmuesi gjerman, i rritur tek të rinjtë e klubit, fitoi praktikisht gjithçka me bavarezët. Në përvojën e tij të gjatë me kampionët e Gjermanisë, Muller ka kaluar shum trajnerë kampionë. Me disa prej tyre ai u lidh jashtëzakonisht mirë, me të tjerët padyshim më pak. Dhe në këtë kategori të dytë, të paktën sipas asaj që gjermani bëri të kuptojë në një intervistë për The Athletic, do të ishte Carlo Ancelotti.
Megjithatë, pa e përmendur drejtpërdrejt trajnerin aktual të Real Madrid, Muller e bëri të qartë se nuk i pëlqente anarkia që mbizotëronte në atë kohë në Munich: “Në vitet pas lamtumirës së Guardiolës, ne nuk ishim në gjendje ta kontrollonim lojën. Në fakt, ndonjëherë dukej se ishe në Far West (Perëndimin e Largët). Gjithçka për të cilën kishim luftuar te Bayern Munich ishte zhdukur.
