Gjykata e Posaçme ka pranuar kërkesën e SPAK duke kaluar për gjykim ish-kreu i bashkisë së Shkodrës Bardh Spahia, i cili është marrë i pandehur për akuzën e pengimit të ekzekutimit te vendimit të gjykatës.
Ish-kryebashkiaku i Shkodrës u kallëzua në SPAK nga ish-drejtori i Ujësjellësit të Shkodrës, Mark Molla.
SPAK ka arritur në përfundimin se Spahia, në cilësinë e kryetarit të Asamblesë së Përgjithshme të Ujësjellës Kanalizimeve Shkodër, ka marrë dy vendime në korrik të vitit 2022, për të shkarkuar administratorin e Ujësjellës Kanalizimeve Mark Molla dhe emëroi Arvit Bushatin, që ishte një anëtar i FRPD-së.
Ish-drejtori i Ujësjellësit të Shkodrës është ankuar në gjykatë dhe ka fituar./abcnews.al
