Një gomone është përmbytur mëngjesin e 14 dhjetorit 2022 në Kanalin Anglez në tentativë për të hyrë në Britaninë e Madhe.
Në gomonen me 40-50 persona, Daily Mail ka konfirmuar se janë nxjerrë nga uji tre trupat e parë të pajetë, ndërsa janë shpëtuar 43 emigrantë, por ndodhen në spital në gjendje të rëndë.
Gomonia u fundos rreth orës 03:40 pranë brigjeve të Kentit, ku temperaturat u shënuan -4 gradë celcius.
Nuk dihet ende origjina e personave që kanë qenë në gomone, kur ka ndodhur incidenti.
Ndërkohë pas marrjes së thirrjes për ndihmën forcat e emergjencës janë shtuar dhe në Portin e Doverit.
