Kontrollorët grekë të trafikut ajror kanë planifikuar një grevë 24-orëshe të thirrur nga federata e punonjësve të sektorit publik ADEDY në 9 prill. ADEDY kërkon rikthimin e pagave bonus për pushime, rritje të pagave reale dhe masa për të luftuar krizën e strehimit në Greqi.
“Fatkeqësisht, kontrolli i trafikut ajror në Greqi është në një situatë të keqe pasi ne kemi mungesë të personelit dhe probleme me pajisje të cilat shkaktojnë shumë vonesa në vitet e fundit dhe do të shkaktojnë shumë edhe këtë vit”, tha Shoqata e Kontrollorëve të Trafikut Ajror të Greqisë për The Independent.
Qëlloi me armë vëllanë pas sherrit për pronat, arrestohet 50-vjeçari në Divjakë
Të shtëna me armë zjarri në Virginia! Tre të vrarë dhe tre të plagosur, policia në kërkim të autorëve
Trafik droge nga SHBA në Shqipëri me postë, policia arreston 24-vjeçarin. Kanabisi me vlerë 50 mijë euro
Në të njëjtën ditë me grevat në Greqi vjen edhe edhe ndërprerja e fluturimeve në Itali, duke përkeqësuar potencialisht ndërprerjen e udhëtimve në të gjithë kontinentin. Stjuardesat e EasyJet të lidhura me sindikatat italiane (FILT, CGIL dhe UIL) janë planifikuar të bëjnë grevë më 9 prill nga ora 10.30 deri në orën 14.30.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
“Ne dëshirojmë të sigurojmë klientët se po bëjmë gjithçka që është e mundur për të minimizuar çdo ndërprerje si rezultat i aksionit të grevës dhe nëse ndonjë fluturim do të ndikohet, ne do të kontaktojmë drejtpërdrejt klientët me opsionet e tyre për të ndihmuar në riorganizimin e planeve të tyre”, tha linja ajrore për gazetën britanike The Independent.
Udhëtarët këshillohen të kontrollojnë rregullisht statusin e fluturimeve dhe të përgatiten për vonesa dhe anulime të mundshme.
