Një tjetër i ri ka humbur jetën për shkak të COVID-19. Alban Hidri, 32 vjeç, babai i një fëmije 2 vjeç ka humbur betejën me koronavirusin. Mësohet se ai ishte i shtruar në spitalin COVID 2 “Shefqet Ndroqi” ku prej një jave ishte intubuar. 32-vjeçari nuk kishte sëmundje bashkëshoqëruese. Ai ishte i angazhuar në politikë dhe aktualisht ishte kryetar i grupseksionit të PD në Belsh.
“Na hidhëroi pa masë lajmi për ndarjen e parakohshme nga jeta e Alban Hidrit, kryetarit të grupseksionit Rrasë. Një njeri i shkëlqyer që fatkeqësisht nuk ia doli dot në betejën me COVID-19.
Energjia dhe pozitiviteti i Albanit do na mungojë të gjithëve, familjes së tij të dashur, miqve dhe kolegëve. U prehsh në paqe Alban!”, shkruajnë miqtë e tij.
Lajmi i Fundit
