Një 31-vjeçare ka rënë në pranga, e ndërsa është shpallur në kërkim bashkëpunëtori i saj, pasi të dy kanë mashtruar një person nga Malësia e Madhe me premtimin se do e çonin në Kanada.
E reja me Arjana Lleshaj i ka marrë B. Gj., 49 vjeç shumën 10 000 euro duke i premtuar se do ta ndihmonin atë që të shkonte në Kanada.
Ndërkohë, është shpallur në kërkim S. Gj., 34 vjeç, banues në Tiranë.
“Finalizohet nga Seksioni për Hetimin e Krimeve Ekonomike dhe Financiare, operacioni policor i koduar “Premtimi”.
I morën 10 000 euro, një shtetasi, me anë të mashtrimit, vihet në pranga 31-vjeçarja, shpallet në kërkim bashkëpunëtori i saj.
Specialistët e Seksionit për Hetimin e Krimeve Ekonomike dhe Financiare, pas kallëzimit nga një shtetas, për një rast të marrjes së parave me anë të mashtrimit, kanë organizuar dhe finalizuar operacionin policor të koduar “Premtimi”, si rezultat i të cilit u bë ndalimi i shtetases A. Ll., 31 vjeçe dhe u shpall në kërkim shtetasi S. Gj., 34 vjeç, të dy banues në Tiranë.
Këta dy shtetas, në bashkëpunim me njëri-tjetrin, dyshohet se i kanë marrë shumën 10 000 euro, shtetasit B. Gj., 49 vjeç, banues në Malësi të Madhe, duke i premtuar se do ta ndihmonin atë që të shkonte në Kanada.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme”.Njoftimi i policisë
