Një person i plagosur me armë zjarri ka mbërritur pasditen e sotme në Spitalin e Traumës. Policia e kryeqytetit bën me dije se është një shtetas 50 vjeç, i cili ka shkuar vetë në spital dhe ka kërkuar ndihmë mjekësore.
Dyshimet paraprake janë se ky person është vetëplagosur me armë zjarri në shtëpinë e tij. Për momentin ai është duke marrë ndihmë nga mjekët, ndërkohë që grupi hetimor ka nisur punën për zbardhjen e plotë të rrethanave të ngjarjes
Më datë 29.06.2022, është paraqitur në Spitalin e Traumës për ndihmë mjekësore shtetasi A. Sh., 50 vjeç. Sipas verifikimeve paraprake dyshohet se është vetëplagosur me armë zjarri në banesë. Grupi hetimor po punon për sqarimin e rrethanave të ngjarjes”, njofton Policia.
Ngjarja ka ndodhur në zonën e “Don Boskos” në Tiranë, shkruan newsbomb.al. Paraprakisht, mësohet se shtetasi me inicialet A.Sh ka marrë një plumb në gjoks dhe aktualisht i është nënshtruar një ndërhyrje kirurgjikale.
