Një plagosje me armë zjarri ka ndodhur mëngjesin e kësaj të enjtje në Durrës. Policia bën me dije se ngjarja ka ndodhur në një dhomë hoteli në Durrës ku si pasojë është plagosur 20 vjeçari Arni Sulejmani i cili ndodhet në spital jashtë rrezikut për jetën.
Ndërkohë autoritetet kanë bërë të mundur identifikimin dhe shpalljen në kërkim të autorit Markeljan Beqiri 26 vjeç dhe Tefik Shehu 32 vjeç për moskallëzim krimi.
Në pranga është vënë Anxhela Brisku 20 vjeç e cila ka fshehur armën e zjarrit dhe Enver Hysenaj 66 vjeç që ka strehuar të renë.
Burime për abcnews.al bëjnë me dije se grupi i të rinjve konsumonin alkool dhe kokainë.
Gjatë veprimeve hetimore ka rezultuar se në ambientet e dhomës së një hoteli, në të cilën kanë qenë këta shtetas 26 vjeçari ka tentuar të vrasë me armë zjarri, 20 vjeçarin, banues në Durrës, i cili ndodhet në spital, jashtë rrezikut për jetën.
Njoftimi i plotë;
Zbardhet ngjarja e ndodhur mëngjesin e sotëm, në ambientet e dhomës së një hoteli, ku mbeti i plagosur një shtetas.
“Bonnie and Clyde” në Durrës, i riu tenton të vrasë dikë, e dashura fsheh pistoletën
schedule10:15 – 9 Dhjetor, 2021
Një plagosje me armë zjarri ka ndodhur mëngjesin e kësaj të enjtje në Durrës. Policia bën me dije se ngjarja ka ndodhur në një dhomë hoteli në Durrës ku si pasojë është plagosur 20 vjeçari Arni Sulejmani i cili ndodhet në spital jashtë rrezikut për jetën.
Ndërkohë autoritetet kanë bërë të mundur identifikimin dhe shpalljen në kërkim të autorit Markeljan Beqiri 26 vjeç dhe Tefik Shehu 32 vjeç për moskallëzim krimi.
Në pranga është vënë Anxhela Brisku 20 vjeç e cila ka fshehur armën e zjarrit dhe Enver Hysenaj 66 vjeç që ka strehuar të renë.
Burime për abcnews.al bëjnë me dije se grupi i të rinjve konsumonin alkool dhe kokainë.
Gjatë veprimeve hetimore ka rezultuar se në ambientet e dhomës së një hoteli, në të cilën kanë qenë këta shtetas 26 vjeçari ka tentuar të vrasë me armë zjarri, 20 vjeçarin, banues në Durrës, i cili ndodhet në spital, jashtë rrezikut për jetën.
Njoftimi i plotë;
Zbardhet ngjarja e ndodhur mëngjesin e sotëm, në ambientet e dhomës së një hoteli, ku mbeti i plagosur një shtetas.
Tentoi të vriste me armë zjarri 20-vjeçarin, identifikohet dhe shpallet në kërkim autori i dyshuar i ngjarjes.
Në kërkim edhe një shtetas tjetër, për moskallëzim krimi.
Arrestohet në flagrancë 22-vjeçarja që fshehu armën e zjarrit dhe 1 shtetas tjetër që strehoi 22-vjeçaren, pas ngjarjes.
Sekuestrohet arma e zjarrit pistoletë që është përdorur në ngjarje.
Shërbimet e Komisariatit të Policisë Durrës, menjëherë pas marrjes së njoftimit se në ambientet e dhomës së një hoteli në autostradën Durrës-Tiranë, ishte plagosur me armë zjarri një shtetas, kanë organizuar menjëherë punën për zbardhjen e ngjarjes, identifikimin dhe kapjen e autorëve.
Gjatë veprimeve hetimore ka rezultuar se në ambientet e dhomës së një hoteli, në të cilën kanë qenë shtetasit M. B., T. Sh., A. B. dhe A. S., shtetasi M. B. ka tentuar të vrasë me armë zjarri, shtetasin A. S., 20 vjeç, banues në Durrës, i cili ndodhet në spital, jashtë rrezikut për jetën.
Në vijim të veprimeve hetimore 26-vjeçari M. B., banues në Durrës, është shpallur në kërkim për veprat penale “Vrasja me dashje” mbetur në tentativë dhe “Armëmbajtja pa leje”.
Në kërkim është shpallur edhe shtetasi T. Sh., 32 vjeç, për veprën penale “Moskallëzim krimi”.
Gjithashtu janë arrestuar në flagrancë shtetasit:
A.B., 22 vjeçe, për veprat penale “Armëmbajtja pa leje”, “Veprime që pengojnë zbulimin e së vërtetës” dhe “Moskallëzim krimi”. Kjo shtetase, menjëherë pas ngjarjes, ka marrë armën e zjarrit dhe e ka fshehur në pjesën e pasme të hotelit;
E. H., 66 vjeç, për veprën penale “Moskallëzimi i krimit”, pasi ka strehuar shtetasen A. B., ndërkohë që ka patur dijeni për ngjarjen.
Në cilësinë e provës materiale u sekuestrua arma e zjarrit pistoletë që është përdorur në këtë ngjarje.
Vijon puna për kapjen e shtetasve të shpallur në kërkim.
Materialet i kaluan Prokurorisë pranë Gjykatës së Shkallës së Parë Durrës, për veprime të mëtejshme./abcnews.al
