Kreu i PD-së, Sali Berisha ka marrë pjesë në homazhet për ikonën e skenës shqiptare, Margarita Xhepa. Ish-kryeministri u shoqërua në homazhet në nder të aktores së mirënjohur nga bashkëshortja e tij, Liri Berisha.
Kryedemokrati u shpreh për mediat se Margarita Xhepa ka dhënë kontribut të jashtëzakonshëm në 7 dekada në skenën dhe filmin shqiptar.
“Nderimin më të thellë, por edhe mirënjohjen më të pakufishme për kontributin e jashtëzakonshëm të Margarita Xhepës në 7 dekada, sa askush tjetër, në skenën dhe filmin shqiptar.
Ajo nuk është më, por do mbetet përjetë e gjallë në memorien e tyre që ndoqën me aq admirim interpretimet e saj.
Do mbetet e gjallë në memorien e artit dhe kulturës shqiptare”, tha Berisha.
