Rreth 20,100 viza janë lëshuar në Britani për refugjatët ukrainas, të cilët kanë lidhje familjare në Mbretëri të Bashkuar, kanë thënë autoritetet britanike.
Qeveria britanike ka pranuar 35,500 aplikacione në kuadër të skemës për familjet ukrainase, e cila është lançuar këtë muaj.
Qeveria britanike është përballur me kritika se skema që ofron, nuk është aq bujare sa ajo e Bashkimit Evropian, e cila u lejon refugjatëve ukrainas që të qëndrojnë deri në tre vjet pa viza në territorin e tij. Kujtojmë se më 24 shkurt ushtria ruse nisi sulmin ushtarak në territorin e Ukrainës.
