Katër persona janë vënë në pranga për vepra të ndryshme penale në kryeqytet.
Mësohet se specialistët për Hetimin e Narkotikëve kanë arrestuar një 27-vjeçar me inicialet K. K., pasi gjatë kontrollit që i bënë forcat “Shqiponja” në rrugën “Stavri Themeli”, iu gjet një sasi me lëndë të dyshuar kanabis.
Po ashtu, në pranga është vënë 34-vjeçari N. H., pasi Gjykata e Shkallës së Parë Tiranë e ka dënuar me 8 muaj burg, për kundërshtim me dhunë të punonjësit të policisë.
Policia ka arrestuar edhe një 39-vjeçar me iniciale K. D., pasi ka ushtruar dhunë psikologjike ndaj nënës dhe vëllait të tij. Kurse, specialistët e Qarkullimit Rrugor arrestuan në flagrancë A. M., 42 vjeç, pasi u kap duke drejtuar mjetin në gjendje të dehur.
Top Channel
