Fituesi i edicionit të dytë të Big Brother Vip, Luiz Ejlli dhe partnerja tij, Kiara Tito kanë dhënë intervistën e tyre të parë si burrë dhe grua pas përfundimit të spektaklit.
Duke folur për TAR pas marrjes së çmimit të madh prej 100 mijë euro, Luizi fjalët e tij të parë si fitues ia dedikoi pikërisht partneres së tij, moderatores Kiara Tito.
“Jam djali më i lumtur në botë, më i bekuar në botë. Kam vajzën më të bukur në botë”, u shpreh Luizi.
Ndërkohë që Kiara foli e emocionuar duke thënë se tashmë i presin shumë gjëra të bukura së bashku. “Gjëra shumë të bukura na presin”, tha Kiara.
Çifti tregoi se gjëja e parë që do të bëjnë pas martesës është të qetësohen vetëm në shtëpi në një vend pa kamera.
