Policia e Skraparit ka arrestuar ditën e sotme shtetasit Agim Çuka., 67 vjeç, dhe Ligor Fusha., 25 vjeç, pasi gjatë kontrollit në një zonë të pyllëzuar në afërsi të banesave të tyre në fshatin Dores, të Skraparit, u evidentuan dy parcela me kanabis të kultivuara prej tyre.
Në lidhje me këtë ngjarja është proceduar penalisht dhe një tjetër shtetas me inicialet L.Ç., për veprën penale të “Moskallëzimit të krimit”.
Materialet në ngarkim të tyre i kaluan Prokurorisë së Rrethit Gjyqësor Berat, për veprime të mëtejshme.
Njoftimi i plotë i policisë: Skrapar
Vijon kontrolli masiv i territorit për parandalimin, evidentimin dhe goditjen e tentativës për kultivim të bimëve narkotike.
Evidentohen dhe goditen dy raste të kultivimit të bimëve narkotike.
Arrestohen dy shtetas të dyshuar si autorë.
Procedohet dhe një shtetas tjetër për veprën penale “Moskallzim krimi”.
Shërbimet e Policisë së Komisariatit Skrapar në bazë të informacioneve të siguruara si dhe në vijim të kontrollit të territorit, me qëllim evidentimin dhe goditjen e rasteve të tentativës për kultivim të bimëve narkotike, kanë evidentuar në një zonë të pyllëzuar të fshatit Dores, Skrapar dy raste të kultivimit të bimëve narkotike.
Në përfundim të veprimeve të para hetimore, specialistët për Hetimin e Krimeve në Komisariatin e Policisë Skrapar arrestuan në flagrancë shtetasin Agim Çuka., 67 vjeç, banues në fshatin Dores, Skrapar, pasi në zonë të pyllëzuar u gjetën bimë narkotike të dyshuara cannabis sativa.
Si dhe u procedua penalisht shtetasi L.Ç., pasi dyshohet se ka konsumuar elementët e veprës penale “Moskallzim krimi”.
Gjithashtu u arrestua shtetasi Ligor Fusha., 25 vjeç, banues në fshatin Dores, Skrapar, pasi në fshatin Dores, në zonë të pyllëzuar u kostatuan bimë narkotike cannabis sativa.
Materialet i kaluan Prokurorisë së Rrethit Gjyqësor Berat, për veprime të mëtejshme.
