Prokuroria e Posaçme ka doruzuar në gjykatë dosjen ndaj ish-presidentit Ilir Meta dhe ish-bashkeshortes së tij Monika Kryemadhi duke i kërkuar gjykatës që ata të gjykohen për akuzat e korrupsionit pastrimit të parave dhe fshehjes së pasurisë. sipas prokurorisë Meta është i dyshuar për të paktën 3 raste korrupsioni, 2 prej të cilave të kryera në bashkunim ndërsa Kryemadhi në dy raste korruptive të kryera në bashkëpunim. Po kështu spak ka dorëzuar dosjen edhe për Pirro Xhixhon për akuzën e korrupsioni i cilli ka mbajtur postin e kreut të Autoritetit të Komunikimeve Elektronike dhe Postare, ndërsa për Fatime Kryemadhin, nëna e Monika Kryemadhit dhe Ema Çokun SPAK i akuzon për pastrim parash.
“Ky procedim penal është rezultat i një hetimi intensiv, i cili ka nisur në vitin 2019 dhe është zgjeruar në vitet pasardhëse në bazë të kallëzimeve të ndryshme. Në vitin 2024, të gjitha procedimet e veçuara u bashkuan në një të vetëm. Hetimet zbuluan një sërë skemash korruptive, përdorimin e influencës dhe pushtetit politik me qëllim favorizimin e bizneseve të caktuara kundrejt shpërblimit të marrë apo të premtuar, pastrim të produkteve të veprës penale, dhe fshehje të pasurive apo mosdeklarimi i shpenzimeve të konsiderueshme në deklaratat periodike të pasurive.”
Ilir Meta mbahet i arrestuar prej tetorit të kaluar, ndërsa kryemadhi dhe personat e tjerë janë hetuar në gjendje të lirë. Sipas hetimeve të prokurorisë, Meta rezulton I përfshirë në lidhjen e marveshjes mes Kompanisë CEZ dhe DIA duke favorizuar biznesmenin Kastriot Ismailaj. Gjithashtu ish-presidenti akuzohet edhe për marëveshjen e lobimit të ish Lëvizjes Socialiste për Integrim në Shtete e Bashkuara të Amerikës si dhe për mos deklarimin e disa shpenzimeve spitalore në një klinikë private jashtë shqipërisë por edhe shpenzime të tjera të familjes së tij. Po kështu ka dyshime se Meta dhe ish-bashkëshortja e tij Monika Kryemadhi kanë fovorizuara në kmëbim të korrupsionit biznesmenin shqiptaro amerikan Ardian Shatku për lidhjen e një marëveshje interkonjeksioni.
Njoftimi i SPAK
Prokuroria e Posaçme kundër Korrupsionit dhe Krimit të Organizuar pas përfundimit të hetimeve, më 29.08.2025 ka dërguar për gjykim në Gjykatën e Posaçme të Shkallës së Parë, procedimin penal nr. 55/2019, në ngarkim të të pandehurve:
Ilir Meta, i akuzuar për kryerjen e veprave penale “Korrupsioni pasiv i funksionarëve të lartë shtetërore ose i të zgjedhurve vendorë” në 3 raste, dy prej të cilave të kryera në bashkëpunim, “Pastrimi i produkteve të veprës penale ose veprimtarisë kriminale” e kryer në bashkëpunim,“Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim”, parashikuar nga nenet 260 dhe 25, 287/2 dhe 257/a/2 të Kodit Penal.
Monika Kryemadhi, e akuzuar për kryerjen e veprave penale “Korrupsioni pasiv i funksionarëve të lartë shtetërore ose i të zgjedhurve vendorë” në dy raste të kryera në bashkëpunim,“Pastrimi i produkteve të veprës penale ose veprimtarisë kriminale” e kryer në bashkëpunim , “Refuzimi për deklarim, mosdeklarimi, fshehja ose deklarimi i rremë i pasurive, interesave private të personave të zgjedhur dhe nëpunësve publikë, ose i çdo personi tjetër që ka detyrimin ligjor për deklarim”, parashikuar nga nenet 260 dhe 25, 287/2 dhe 257/a/2 të Kodit Penal.
Pirro Xhixho, i akuzuar për kryerjen e veprës penale “Korrupsioni pasiv i funksionarëve të lartë shtetërore ose i të zgjedhurve vendorë” e kryer në bashkëpunim, parashikuar nga nenet 260 dhe 25 të Kodit Penal.
Ema Çoku, e akuzuar për kryerjen e veprës penale “Pastrimi i produkteve të veprës penale ose veprimtarisë kriminale” e kryer në bashkëpunim, parashikuar nga neni 287/2 i Kodit Penal.
Fatime Kryemadhi, e akuzuar për kryerjen e veprës penale “Pastrim i produkteve të veprës penale ose veprimtarisë kriminale” e kryer në bashkëpunim, parashikuar nga neni 287/2 i Kodit Penal.
Ky procedim penal është rezultat i një hetimi intensiv, i cili ka nisur në vitin 2019 dhe është zgjeruar në vitet pasardhëse në bazë të kallëzimeve të ndryshme. Në vitin 2024, të gjitha procedimet e veçuara u bashkuan në një të vetëm.
Hetimet zbuluan një sërë skemash korruptive, përdorimin e influencës dhe pushtetit politik me qëllim favorizimin e bizneseve të caktuara kundrejt shpërblimit të marrë apo të premtuar, pastrim të produkteve të veprës penale, dhe fshehje të pasurive apo mosdeklarimi i shpenzimeve të konsiderueshme në deklaratat periodike të pasurive.
