Ditën e sotme, një ngjarje e rëndë ka ndodhur në fshatin Tapizë të Krujës.
Shtetasja Leta Koçi, 42 vjeçe, ka hedhur në lumë foshnjën e saj të sapo lindur. Koçi e ka futur foshnjën në një qese dhe më pas e ka hedhur në lumë, me pretekstin se e kishte lindur të vdekur.
Ajo është ndaluar nga policia e Krujës për veprën penale “Vrasja e foshnjes”.
Specialistët për Hetimin e Krimeve të Komisariatit të Policisë Krujë, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, ndaluan shtetasen L. K., 42 vjeçe, banuese në Tapizë, për veprën penale “Vrasja e foshnjes”.
Kjo shtetase, ditën e sotme, rreth orëve të mëngjesit, dyshohet se pasi ka lindur foshnjen në ambientet e banesës së saj, duke pretenduar se ka lindur e vdekur, e ka futur në një qese dhe më pas e ka hedhur në bregun e lumit të Tapizës.
Materialet procedurale i kaluan Prokurorisë, për veprime të mëtejshme.
