Ditën e sotme Policia e Gramshit ka vënë në pranga inspektorin e Shërbimit Pyjor për shpërdorim detyre pasi u goditën dy raste të kultivimit të bimëve narkotike në një zonë të pyllëzuar ku u gjetën fidanë kanabisi.
Shtetasi Atnand Zaimi 52 vjeç, banues në Gramsh, me detyrë inspektor i Shërbimit Pyjor në bashkinë Gramsh u arrestua në flagrancë si dhe u proceduan penalisht në gjendje të lirë shtetasit: Ardit Braçi me detyrë kryeplak i fshatit Vidhan dhe Bedri Jonuzaj me detyrë kryeplak i fshatit Lemnush, Gramsh.
Vijon puna për identifikimin e personave të implikuar në këtë veprimtari kriminale. Materialet i kaluan Prokurorisë pranë Gjykatës së Shkallës së Parë Rrethit Elbasan, për veprime të mëtejshme.
Njoftimi i policisë:
Vijon kontrolli i territorit, për parandalimin, evidentimin dhe goditjen e rasteve të kultivimit të bimëve narkotike. Vihet në pranga inspektori i Shërbimit Pyjor në bashkinë Gramsh, për shpërdorim detyre. Procedohen penalisht në gjendje të lirë dhe dy kryepleqtë e fshatrave Vidhan dhe Lemnush në Gramsh.
Në vijim të kontrolleve të zhvilluara në territor, për parandalimin, evidentimin dhe goditjen e rasteve të kultivimit të bimëve narkotike, bazuar dhe në informacionet e marra në rrugë operative, shërbimet e Komisariatit të Policisë Gramsh kanë goditur dy raste të kultivimit të bimëve narkotike, konkretisht një rast në një zonë të pyllëzuar të fshatit Vidhan dhe një rast tjetër në një zonë të pyllëzuar të fshatit Lemnush, ku janë gjetur të kultivuar fidanë kanabis.
Në vijim të veprimeve, specialistët për Hetimin e Krimeve në Komisariatin e Policisë Gramsh bënë arrestimin në flagrancë të shtetasit Atnand Zaimi 52 vjeç, banues në Gramsh, me detyrë inspektor i Shërbimit Pyjor në bashkinë Gramsh, si dhe kanë proceduar penalisht në gjendje të lirë shtetasit: Ardit Braçi me detyrë kryeplak i fshatit Vidhan dhe Bedri Jonuzaj me detyrë kryeplak i fshatit Lemnush, Gramsh.
Vijon puna për identifikimin e personave të implikuar në këtë veprimtari kriminale. Materialet i kaluan Prokurorisë pranë Gjykatës së Shkallës së Parë Rrethit Elbasan, për veprime të mëtejshme.
