Një 46-vjeçare ka mbetur e plagosur në Divjakë pasi banesa e saj është përfshirë nga flakët.
Sipas burimeve zyrtare, sot rreth orës 11:45, në fshatin Sulzotaj, Divjakë, në banesën e shtetasit Sh. H., ka rënë zjarr, ku si pasojë ka marrë djegie të lehta shtetasja R. H., 46 vjeçe, e cila po mjekohet në spitalin e Lushnjës.
Nga hetimet paraprake, dyshohet se 46-vjeçarje, e cila vuan nga probleme të shëndetit mendor, i ka vënë flakën dhomës së gjumit.
Grupi hetimor po punon për zbardhjen e plotë të rrethanave të ngjarjes.
