Aktori i famshëm hollivudian Leonardo DiCaprio ka reaguar sërish pas njoftimit të kryeministrit Edi Rama për ta shpallur zonën përgjatë rrjedhës së lumit Vjosa si park natyror.
DiCaprio ka postuar një video në rrjetet sociale, ku njofton se “qeveria Shqiptare është vetëm një hap larg shpalljes së Vjosës, Park Kombëtar
Qeveria e Shqipërisë është një hap pranë shpalljes së Parkut të parë Kombëtar të lumit të egër në Europë, pasi së fundmi ka partneritet me Patagonia për të mbrojtur lumin Vjosa – një përpjekje që përfshin fushatën #SavetheBlueHeartofEurope.
Lumi Vjosa i Shqipërisë është lumi më i madh i egër në Europë. Lumi dhe degët e tij rrjedhin të pazbutur nga burimi në det, duke krijuar një ekosistem të biodiversitetit që mbulon mbi 300 km. Ajo është shtëpia e 1,100 llojeve të kafshëve, duke përfshirë 13 kafshë të kërcënuara globalisht dhe dy specie bimore”, shkruan Leonardo di Caprio.
Disa ditë më parë, gjatë lajmit për shpalljen e Vjosës park kombëtar, kryeministri Edi Rama ironizoi protestuesit kundër ndërtimit të digave në lumin që konsiderohet si i vetmi me rrjedhë të pandërprerë në Europë, si dhe i bëri thirrje DiCaprios të reagonte pas lajmit të mirë.
