Nuk kishte dyshime! Lionel Messi është fituesi i Topit të Artë për edicionin 2022-2023. Argjentinasi e fiton për herë të tetë këtë trofe prestigjioz në planin individual. Leo kishte konkurrencën e norvegjezit Erling Haaland. Por fitimi i Kupës së Botës ishte “arma” me të cilën ai fitoi edhe këtë vit trofeun. Ndërsa në vend të tretë ishte francezi Kylian Mbappe, shok skuadre me Messin për dy vite tek PSG.
Triumfi në Botërorin e Katarit me Argjentinën ishte vendimtar teksa Lionel Messi udhëhoqi Argjentinen drejt titullit të tretë në histori. Messi fitoi kështu garën me konkurrentin e tij më të fortë Erling Haaland teksa norvegjezi ishte protagonisti kryesor në tre titujt e Manchester Cityt sezonin e kaluar, Premier League, Champions League dhe FA Cup.
Trofeu iu dorëzua “pleshtit” prej ish-sulmuesit të Chelsea, Didier Drogba.
