TIRANË- Kryeministri Edi Rama në një konferencë me gazetarët ka folur rreth mandati të dytë duke thënë se ka qenë luftë me dy fuqi të jashtëzakonshme, tërmetin dhe Covid-19.
Taksat ZERO, Paga Minimale 30 mijë lekë dhe Ndihma Ekonomike Dyfish, tre realitete të reja për biznesin e vogël, punëtorët dhe familjet në nevojë”, shkruan Rama
Kryeministri Edi Rama duke folur për pagën minimale ka thënë se ajo nuk do të mbetet kaq sa është teksa shtoi se do të dyfishojnë ndihmën ekonomike dhe pas pandemisë.
Rama: Sot duam të përqëndrohemi në tre aspekte shumë të rëndësishëm që besoj janë tre gurë shumë të rëndësishëm për një mandat të tretë. Në kushtet e një situate të jashtëzakonshme. Për ne ka nisur përpara pandemisë. Me Tërmetin, na u desh përballemi me katastrofë. Privoi në pa sekonda nga streha mijëra familje dhe shkatërroi dhjetra shkolla dhe imponoi një rishikim të prioriteteve dhe financim masiv në një drejtim të papritur Rindërtimin. Erdhe më pas armiku i padukshëm. Ka goditur fortë ekonominë e të gjitha vendeve. Ka diktuar rënien e kërkesës dhe zinxhirët e furnizimit dhe kufizime në flukset e parave. Ne jemi përballur me forcë dhe me kurajo e me shumë vullnet e angazhim. Duke u përqëndruar tek më të .
Rama më tej deklaroi se në mandatin e tretë kjo qeveri ka si ambicie rritjen e pagës minimale. Sipas tij, rritja e pagës minimale në 300 mijë lekë të vjetra, është vetëm një stacion.
“Ndërkohë, ajo për të cilën jam krenar për punën tonë, është se për asnjë moment nuk i kemi lënë vetëm ata që kanë qenë më të ekspozuar ndaj këtyre fatkeqësive. Familjet që po kthehen në shtëpi javë pas jave, apo ato që pritet të kthehen. Sigurisht të gjithë kategoritë e aktivitetit ekonomik, duke u përqendruar tek më të vegjlit. Zerimi i taksës për biznesin e vogël është një gur i rëndësishëm kilometrik drejt të ardhmes dhe përbënë një nga pikat më domethënëse të ndryshimit të madh në qasje dhe veprim dhe rezultat me palën tjetër që ripredikon taksën e sheshte, duke kërcënuar më të dobëtit. Kur 100% e bizneseve paguanin tatim-fitimin 10% deh TVSH. Ndërkohë që sot 91% e bizneseve paguajnë zero tatim/fitimi dhe zero TVSH dhe vetëm 9 % e tyre paguajnë 15% të tatim-fitimit. Brenda 90% janë 111 mijë biznese me rreth 300 mijë persona të punësuar që janë çliruar totalisht nga tatim/fitimi. Është një hap që e vendos Shqipërinë në një pozicion të posaçëm në raport me biznesin e vogël. Çdo person, subjekt që ka një xhiro vjetore deri në 100 e 14 mijë euro është një subjekt pa taksa. E dyta, po jo për nga rëndësia, është paga minimale që e kemi vendosur në 30 mijë lekë tani më. Kemi ambicien ta rrisim në vijim vit pas viti. Pjesën se çfarë do të bëjmë, do ta trajtojmë gjerësisht në fazën e fundit të këtij mandati ku do të shpalosim Shqipëria e vitit 2030. Paga 300 mijë lekë nuk është pikëmbërritje, por stacion. Kjo nuk është një shumë për të pritur duartrokitje apo lëvdata, por dhe sfiduese. Krahasuar me ku ishim, jemi siç e shihni ku e ku. Në 2013-ën kishte vetëm 22 mijë lekë pagë minimale ku po të heqësh sigurimet shoqërore e shëndetësore, shifra bëhet e papranueshme. Sot jemi në 30 mijë lekë dhe dua t’ju them të gjithëve atyre që janë përfitues e kësaj page se duhet ta shohin këtë si një proces dhe një stacion në një rrugë që vazhdon. Ambicia jonë është që pagën minimale ta rrisim më tutje. Ky ka qenë mandati më i jashtëzakonshëm në të gjitha qeveritë, pasi gjyma e këtij mandati ka qenë luftë me dy fatkeqësi të jashtëzakonshme. Siç po dalim fitimtarë, hap pas hapi nga lufta me fatkeqësinë e tërmetit, me pasojat e tij, ashtu do të dalim dhe nga kjo luftë globale, ku ne kemi pikën tonë në këtë front.”, tha Rama.
Top Channel
