Mediat franceze dhe ndërkombëtare e kanë cilësuar zgjedhjen e Emmanuel Macron në presidencën e Asamblesë Kombëtare Franceze si hapin e parë drejt daljes nga anarkia.
Kampi i presidentit francez dhe deputetët e krahut të djathtë arritën një marrëveshje të minutës së fundit për të rizgjedhur kryetaren e Asamblesë Kombëtare Yael Braun-Pivet në raundin e tretë, me 220 vota pro, në një fitore që i hap rrugën Macron për të marrë një rol më të madh se sa pritej në formimin e qeverisë së re.
Duke bashkuar forcat, centristët e presidentit francez dhe të qendrës së djathtë shfrytëzuan mundësinë politike, duke i dhënë në të njëjtën kohë një goditje mbresëlënëse aleancës së majtë të Frontit të Ri Popullor.
Fitorja e Braun-Pievet bën të mundur që Macron të jetë në gjendje të emërojë një kryeministër nga radhët e tij, tha Mathieu Hoque, një analist politik.
“Në historinë moderne të Francës, presidenti i Asamblesë Kombëtare ka qenë gjithmonë në të njëjtin kamp me kryeministrin, do të ishte historike nëse nuk do të ndodhte tani”, shtoi ai.
Votimi dramatik i djeshëm në Asamblenë Kombëtare u zhvillua 11 ditë pas fitores së papritur të koalicionit të majtë Fronti i Ri Popullor në zgjedhjet parlamentare, me të cilin siguroi shumicën e mandateve, por jo shumicën absolute.
