Rahul dhe Shivani, një çift i ri nga Aligarh, në shtetin indian të Uttar Pradesh, do të martoheshin më 16 prill. Ftesat ishin dërguar, të afërmit kishin konfirmuar pjesëmarrjen e tyre, por vetëm 9 ditë para ditës së madhe, ndodhi fatkeqësia.
Dhëndri 20-vjeçar u tremb dhe u zhduk, por nuk shkoi vetëm, ai u arratis me Anitën , nënën 40-vjeçare të nuses së tij të ardhshme. Për t’i bërë gjërat edhe më keq, ata morën edhe kursimet e çiftit si dhe kursimet e familjes së Anitës, duke lënë Shivanin dhe babain e saj pa para.
Më 6 prill, Rahul u largua nga shtëpia e tij, duke pretenduar se do të bënte pazar për rrobat e dasmës. Më vonë atë natë, ai thirri të atin për t’i thënë se po largohej dhe për t’i kërkuar që të mos shqetësohej ta kërkonte.
Në të njëjtën kohë, Shivani vuri re se nëna e saj dhe të gjitha kursimet e tyre ishin zhdukur, përveçse 40-vjeçarja nuk kishte lënë asnjë mesazh.
Edhe pse Shivani dhe babai i saj, Kumar, kishin vënë re marrëdhënien e pazakontë mes Rahulit dhe Anitës, asnjëri prej tyre nuk tha asgjë, duke mos dashur të prishte dasmën e afërt.
“Unë duhej të martohesha me Rahul më 16 prill dhe mamaja ime u arratis me të të dielën. Rahul dhe nëna ime kanë folur shpesh në telefon për tre deri në katër muajt e fundit,” u tha Shivani gazetarëve indianë.
“Mamaja ime mori të gjitha paratë tona. “Ai mund të bëjë çfarë të dojë tani, ne nuk na intereson.” “Gjithçka që duam është që paratë dhe bizhuteritë të na kthehen”.
