Ambasadorja amerikane, Yuri Kim ka reaguar për herë të parë pasi në selinë e Partisë Demokratike është shpërthyer dera kryesore ndërsa demokratët kanë hyrë brenda saj.
Gjatë një postimi në rrjetet sociale, Yuri Kim kërkon që protestuesit të vetëpërmbahen pasi çdo veprim i dhunshëm do të dënohet nga ligji.
Ambasadorja Yuri Kim:
“Shtetet e Bashkuara janë thellësisht të shqetësuara me rritjen e tensioneve në ndërtesën e selisë së Partisë Demokratike dhe përdorimin e forcës nga protestuesit. U bëjmë thirrje organizatorëve të protestës që të refuzojnë dhunën dhe të ushtrojnë qetësi. Ata që nxisin dhunën ose minojnë sundimin e ligjit do të mbahen përgjegjës”
