Ngrënia e një molle në ditë besohet të mbajë mjekun larg, por kur bëhet fjalë për diabetin, a ndryshon puna?
Mollët përmbajnë shumë vitaminë C, fibër dhe antioksidantë.
Por nga ana tjetër ato përmbajnë karbohidrate të cilat ndikojnë tek niveli i sheqerit në gjak.
Diabetikët duhet të tregojnë kujdes me karbohidratet ku përfshihen edhe yndyrnat dhe proteina.
Në këtë artikull të AgroWeb.org do të mësoni më shumë për ndikimin e mollëve në shëndetin e një diabetiku.
Mollët dhe Diabeti
Një mollë mesatare përmban 25 gramë karbohidrate, 4.4 gramë e të cilave është fibër.
Kjo e fundit ngadalëson tretjen dhe përthithjen e karbohidrateve duke mos lejuar ngritjen e nivelit të sheqerit në gjak.
Studimet kanë treguar se fibra luan rol mbrojtës ndaj diabetit të tipit 2.
Ndikimi i Mollës Tek Nivelet e Sheqerit në Gjak
Mollët përmbajnë shumë sheqer që për fat të mirë është në formën e fruktozës.
Kur fruktoza vjen nga ngrënia e një fruti të plotë, ndikimi në sheqerin në gjak është minimal.
Për më tepër, fibra tek molla ngadalëson tretjen dhe përthithjen e sheqerit.
Kjo do të thotë se konsumi i mollës nuk ka gjasa të shkaktojë luhatje të sheqerit në gjak, as tek diabetikët.
Mollët Dhe Insulina
Studimet tregojnë se mollët përmbajnë substance bimore që përmirësojnë ndjeshmërinë ndaj insulinës dhe ulin rezistencën ndaj saj.
Nga ana tjetër, antioksidantët tek molla besohet të ulin rrezikun e shfaqjes së diabetit të tipit 2.
Antioksidantët më të bollshëm tek mollët janë:
Kuercetina, e cila ngadalëson tretjen e karbohidrateve dhe pengon rritjen e nivelit të sheqerit në gjak;
Acidi klorogjenik që ndihmon trupin të përdorë sheqerin në mënyrë efikase;
Plorizina që ngadalëson përthithjen e sheqerit dhe ul nivelet e tij në gjak.
Ekspertët këshillojnë se ngrënia e rregullt e mollëve mban sheqerin në gjak në nivele të qëndrueshme.
Sipas tyre diabetikët duhet të shmangin lëngun e mollës që ka shumë sheqer dhe aspak fibër dhe të konsumojnë një mollë mesatare në ditë.
Kujdes! Ngrënia e më shumë mollëve mund të rrisë depozitat glicemike në gjak.
