Shoqata Angleze e futbollit ka hapur një hetim për klubet angleze të përfshira në projektin e Superligës Europiane. Përmes një deklarate për shtyp në faqen zyrtare, Federata Angleze njofton se ka nisur hetimin për 6 klubet e Premier League, Manchester United, Chelsea, Arsenal, Manchester City, Liverpool dhe Tottenham Hotspur.
“Ne u kemi shkruar të gjitha klubeve për të kërkuar zyrtarisht të gjitha informacionet dhe provat përkatëse në lidhje me pjesëmarrjen e tyre. Sapo të kemi informacionin e kërkuar ne do të vlerësojmë masat e duhura që do të merren. Është e qartë se ajo që ndodhi ishte e papranueshme dhe mund të ketë shkaktuar dëme serioze te klubet në të gjitha nivelet e futbollit anglez”, thuhet në njoftimin e Federatës Angleze.
Një lëvizje që pritet të shkaktojë penalitete dhe gjoba për skuadrat angleze themeluese të Superligës Europiane. Ndërkaq, Federata Angleze nisi edhe një hetim për trazirat e shkaktuar mbrëmjen e së dielës nga tifozët e Manchester United përpara sfidës së “Old Trafford” ndaj Liverpool. Hyrja e tifozëve në fushë bëri që sfida të anullohej.
Faxweb.al
