Greqia u përfshi nga moti i keq pasi stuhitë e forta me reshje të dendura kanë përfshirë shumë ishuj, duke shkaktuar probleme serioze. Parosi dhe Mykonos, dy nga destinacionet më të njohura të vendit, u gjendën të bllokuar në kaosin e lënë pas nga një stuhi e fortë. Në Paros nga orët e para të pasdites qielli u errësua dhe shiu shumë shpejt i ktheu rrugët në përrenj të rrëmbyeshëm.
Naoussa dhe Kolymbithres ishin në epiqendrën e fenomenit, përmbytjet, mbeturinat, balta dhe makinat që merreshin para nga uji.
Për orë të tëra, qarkullimi në rrugët kryesore ishte i pamundur, pasi përrenjtë u frynë, rrugët u ndanë në dysh dhe shkëmbinjtë u shkëputën nga shpatet, duke e bërë jashtëzakonisht të vështirë edhe aksesin e ekipeve të shpëtimit. Qendra Operacionale e Zjarrfikëses është vërshuar nga thirrjet, ndërsa prania e forcave të Policisë Helenike, të Mbrojtjes Civile dhe Zjarrfikësve ka qenë intensive gjatë gjithë ditës, nën vigjilencë të vazhdueshme.
Merr lajme ekskluzive në Whatsapp
Doni të informoheni të parët për lajme ekskluzive? Bashkohuni me grupin tonë në Whatsapp duke klikuar këtu.
Një helikopter me drejtues të EMAK u dërgua në ishull, por ai nuk mundi të ulej për shkak të kushteve ekstreme të motit. Si pasojë e përmbytjeve masive u vendos mbyllja e të gjitha njësive shkollore në ishull për ditën e martë. Pak orë më vonë, Mykonos po ndiqte të njëjtën rrugë. Breshëri dhe shiu goditën me furi ishullin, duke shkaktuar imazhe të ngjashme kaosi.
