Gazetari i njohur investigativ holandez, Peter R de Vries, është qëlluar me pesë plumba ditën e djeshme në Amsterdam.
Peter R de Vries u qëllua pesë herë në trup, duke përfshirë një plumb në kokën e tij, ndërkohë që policia ka arrestuar 3 persona në lidhje me ngjarjen e rëndë.
De Vries është i njohur për hetimet e tij mbi çështjet penale të profilit të lartë.
Peter R de Vries po largohej nga një studio televizive në momentin që ndaj tij u bë atentati me 5 të shtëna, njëra prej të cilave në kokë.
Kryetari i Bashkisë së Amsterdamit, Femke Halsema tha se 64-vjeçari ishte “duke luftuar për jetën e tij”.
“Ai është një hero kombëtar për të gjithë ne. Një gazetar i rrallë, i guximshëm që pa u lodhur kërkoi drejtësi,” tha ai.
Kryeministri Hollandez Mark Rutte tha se sulmi ishte “tronditës dhe i pakonceptueshëm”.
“Është një sulm ndaj një gazetari të guximshëm dhe një sulm ndaj lirisë së shtypit, i cili është kaq thelbësor për demokracinë dhe sundimin e ligjit tonë,” tha ai.
“Ne jemi duke u lutur që ai të mbijetojë”, shtoi kryeministri.
fax
