Një djalë 16-vjeçar i qëlluar dje nga oficerët e policisë në qytetin perëndimor gjerman të Këlnit, dyshohet se ka kërcënuar anëtarët e familjes dhe policinë me thikë, sipas prokurorëve.
“Adoleshenti iu afrua oficerëve të policisë me një thikë në dorë”, tha një zëdhënës i Prokurorisë Publike të Këlnit.
“Një oficer policie e qëlloi adoleshentin në kofshë vetëm pasi ai nuk zbatoi urdhrat verbale dhe të shtënat paralajmëruese”, tha zëdhënësi. Adoleshenti po qëndron në spital, dhe është transferuar nga terapia intensive në një repart tjetër.
Sipas hetuesve, djali ka kërcënuar fillimisht një të afërm. Më pas ka dalë nga banesa dhe ka kërcënuar me thikë disa kalimtarë në rrugë, duke u kërkuar para. Dëshmitarët kanë lajmëruar policinë.
Prokurorët kanë urdhëruar një raport mjekoligjor për të përcaktuar nëse 16-vjeçari ka qenë nën ndikimin e alkoolit, drogës apo medikamenteve në momentin e ngjarjes.
Gjithashtu, po hetohet gjendja e tij mendore. Policia nga qyteti i afërt i Bonit po heton edhe oficerët e policisë së Këlnit. Policia ka siguruar video të pjesëve të ngjarjes dhe po interviston edhe dëshmitarët.
