Gazeta gjermane BILD shkruan se forcat speciale kanë konkretizuar një mega-operacion kundër mafias shqiptare.
“Një operacion spektakolar i planifikuar deri në detaje. Pas muajsh hetime, detektivët e anti-drogës nuk donin të linin asnjë të dyshuar të arratisej. Tetë persona u arrestuan për hashash në zonën e Ruhrit”, shkruan gazeta.
Operacioni i forcave speciale, ku u përfshi edhe reparti i specializuar SEK, u mbështet nga ajri me helikopter.
Forcat speciale ndaluan një furgon të bardhë, ku arrestuan disa prej të dyshuarve. Gjatë natës u kontrolluan edhe dy makina të tjera dhe pesë apartamente.
Një zëdhënës i policisë tha se janë gjetur sasi të mëdha kanabisi gati për përdorim si dhe prova të tjera.
Personat e arrestuar do dalin përpara gjykatës. Mes tetë të arrestuarve është edhe një femër.
