Një tragjedi e vërtetë përfshiu familjen Haliti nga Gjilani i Kosovës ditën e djeshme, ku nëna, djali dhe nusja, të cilët jetontin në zonën e Gjirit të Lalzit, dyshohet se ndërruan jetë nga konsumimi i kërpudhave të helmuara. Në një prononcim për media djali i familjes ngriti dyshimet mbi mosmarrjen e kujdesit të duhur shëndetësor në qendrën spitalore në Manëz, pasi sipas tij mjekët nuk kryen asnjë lloj analize dhe i përcollën në shtëpi gfamiljarët vetëm me barna në gjendje të rëndë shëndetësore.
Një pikë e fortë që djali ngre dyshime gjithashtu mbi aludimet e helmimit me kërpudha është fakti se pse ngordhi dhe qeni i cili nuk i konsumon ato.
Djali i bëri apel mediave për mos përhapjen e informacioneve jo të sakta dhe organeve ligjzbatuese për zbardhjen e plotë të rrethanave të ngjarjes.
“Ajo është shtëpia jonë, babai është dhe me dokumenta, shtetas i Shqipërisë. Janë infektuar prej disa ushqimeve që kanë ngrënë aty.
Ajo që është e papërballueshme për familjen tonë është mostrajtimi i duhur në qendrën shëndetësore në Manëz. Kthimi në shtëpi i tre pacienteëve me të njëjtat simptoma në atë gjendje pa kryer analiza është jo i duhur për një mjek që i thotë vetej mjek.
Në spital i kanë kryer një infuzion dhe i kanë kthyer në shtëpi vetëm me barna. Çdo njeri që me kish pa gjendjen kish mund me konstatu që nuk kanë qenë në rregull.
Sikur të ishte vetëm 1 mund të thoshte ka ec por jo kur shfaqen tre persona në atë gjendje me ato simptoma. Policia ka fillu ndjekjen dhe mjekësia ligjore ka me thënë fjalën e vetë.
Procedurat janë kry pasi nuk mundet me dal kufoma kur konsiderohet vdekja e dyshimtë.
Problemi që më shqetëson më së shumti është se ne kemi pas edhe një qen aty dhe pse ka ngordh qeni.
Ushqimet që hamë ne nuk i ha qeni, qeni ka pasur ushqimet e veta kokrra dhe kjo është shumë e dyshimtë.
Babai ka dal shpesh dhe nuk është se nuk i njeh kërto gjera. Mami i ka njoh gjithashtu shumë mirë kërpudhat se është rrit në fshat”, tha djali.
