E Ngarkuara me Punë e SHBA, Nancy Van Horn e ka nisur të martën me një mesazh për opozitën dhe kreun e Partisë Demokratike, Sali Berisha të shpallur ‘non grata’ nga Amerika.
Ndërsa theksoi se një opozitë e shëndetshme është pjesë me rëndësi për një demokracie të gjallë, ajo shtoi se SHBA nuk angazhohet me individë të përcaktuar për përfshirje në korrupsion madhor.
“Një opozitë e shëndetshme është pjesë me rëndësi kritike e një demokracie të gjallë. I vlerësoj mundësitë që kam pasur muajt e fundit për t’u takuar me përfaqësues të ndryshëm të opozitës për të dëgjuar një larmi këndvështrimesh mbi sfidat me të cilat përballet populli shqiptar, shqetësimet për mjedisin e ardhshëm zgjedhor dhe sesi Shqipëria mund të ndërtojë një të ardhme më të mirë.
Nxis të gjitha palët të angazhohen në mënyrë konstruktive në një proces politik që është i barabartë për të gjithë. Ne i qëndrojmë pozicionit tonë të kahershëm se nuk angazhohemi me individë të përcaktuar për përfshirje në korrupsion madhor”, tha E Ngarkuara me Punë Nancy VanHorn.
https://www.facebook.com/plugins/post.php?href=https%3A%2F%2Fwww.facebook.com%2Fusembassytirana%2Fposts%2Fpfbid04umA3ogaiF7BqsVfYvWvUfXwu9ujr17hwfq7SqT7uQESsNQGv2Ea3KrYct5LEd6Ml&show_text=true&width=500
Kujtojmë se ish kryeministri Berisha dhe familja e tij janë shpallur ‘non grata’ nga SHBA për korrupsion madhor dhe minim të demokracisë më 19 maj të vitit 2021.
“Veprat e korrupsionit të ish-Presidentit të Shqipërisë, Sali Berisha, minojnë demokracinë në Shqipëri. Unë e shpall publikisht Sali Berishën dhe anëtarët e familjes së tij si të papërshtatshëm për të hyrjë në Shtetet e Bashkuara të Amerikës. Ne vazhdojmë të jemi kundër korrupsionit së bashku me partnerët tanë në Shqipëri”, shkruante Sekretari Amerikan i Shtetit, Antony Blinken përmes një mesazhi në Twitter në atë kohë.
Top Channel
